呢排發生左單野,好簡單,又好複雜......

可能有d人系想大家都唔開心

不過因為呢件事,反而令到我明白,我依家擁有最珍貴嘅愛同幸福

我想我同男朋友講:我好多謝你!

前幾日系公司返緊工,收到男朋友send 俾我封mail,睇內容系個男仔send俾我男朋友嘅,意思系話佢系我以前男朋友,我就好愛佢,唔會再愛其他人包括我依家男朋友架.

唔知果個人系邊個,我相信我以前男朋友冇甘白痴同埋幼稚,我地暫且稱佢為x好啦~果個x仲add我男朋友msn同佢傾計添

睇到封信之後覺得唔知從何諗起嘅感覺,我諗极都諗唔到我識果種人,又卑鄙又白痴,講野怪怪地好似青山走出來未好番果種.不過我開始有小小擔心,覺得針對自己嘅人卻騷擾到身邊d人,因為我嘅問題俾麻煩我男朋友,真系唔好意思!

但我男朋友同我講話唔好因為甘嘅人而嬲,我地d幸福系我地自己嘅,點會因為其他人而影響到兩個人感情.佢唔會因為d白痴而覺得麻煩,反而系我唔開心先會令到佢擔心.單野發生果一晚,佢仲收工好辛苦甘過來搵我,陪我,話驚我會唔開心,要陪住我先得.

我好想同你講:我好多謝你!

系你製造呢單野先令我知道,乜野叫做信任同愛.依家先知道,雖然我男朋友成日都唔會同我講"i love you",但我知道佢好愛我.我亦都會更加愛佢,珍惜佢,珍惜呢一份感情!

多謝你!